Гэты каляндар зроблены з душою для самых маленькіх: лёгкія акварэльныя ілюстрацыі з цеплынёй распавядаюць аб Божай любові, а заданні на кожны месяц, што змешчаныя ўнізе кожнай старонкі, дадуць маленькім вернікам цікавыя ідэі, як практычна быць хрысціянінам. 

Памер календара: 20 на 25 см.

Кожная старонка прысвечана найбольш яскравай каталіцкай падзеі гэтага месяца, такой як Працэсія Божага Цела, пілігрымкі, канікулы з Богам, урачыстасць Усіх святых, Рараты перад Божым Нараджэннем і інш.  На кожнай старонцы дзетак чакае невялікі квэст: ці знойдуць яны, дзе на старонцы знаходзяцца святы і ўрачыстасці? Калі знойдуць - трэба абавязкова пракласці да іх шлях у выглядзе пункцірнай лініі. 

У канцы ж календара дзетак чакае вясёлая гульня-хадзілка з цікавымі пытаннямі, якія запрашаюць задумацца, успомніць некаторыя праўды веры ці нават расказаць невялікае сведчанне пра Божыя цуды ў сваім жыцці!

Спадзяемся, што гэты наш каляндарык спадабаецца маленькім вернікам і заахвоціць іх да больш асэнсаваных адносінаў з Богам, Які "ёсць Любоў" (1 Ян 4,16).